عيدكم مبارك
الصوره من مدونه حاكي عقالي ;)
عيدكم مبارك وتقبل الله طاعتكم
عيدكم مبارك وتقبل الله طاعتكم
4 Comments
VW & BRIDGESTONE
صباح الورد والجو الحلو ، شالاخبار جميعا
جم مليون مره قلنا لا تكتبون وانتوا تسوقون بس ماكو فايده والنتيجه هذي ...
اختي الكريمه قاعده تكتب واهي تسوق جان يطيح التلفون ونزلت تييبه ولما صعدت ولا اهي فوق الرصيف ومقطعه يد التاير ، دقت تبجي السياره فيها صوت ومادري واطلع السبع الي اهو انا من البيت وكان عندي امتحانين واروح اعطيها سيارتي وابدل السبير وارجع البيت
كنت طالب مجد فاتح اوراقي وعفشي ومستعد للحرب بس ماكو فايده P:
ثاني يوم الي اهو امس بعد ما درست شوي خذيت السياره ورحت اشتري تاير يديد والمشكله ان السياره يديده ماصار لها شهرين على بعض بس بنات شنو تعلم شنو تفهم ، الجو حده كان بديع امس الصبح حدي مبطل الدرايش والتنته ومستمتع
رحت الصناعيه عند وكاله التاير وماحصلت نفس الحجم جان اروح الوكاله الرئيسي والغريب هم ماكو من التاير :/
قلت دام الموضوع جذي خل اشيل عمري واروح وكاله السياره ، دام اهم الي باعوها اكيد عندهم تواير وانصدمت ان حتى الوكاله ماعندهم من التاير ، منو يقول بو وليد سوا صيحه ومشاكل على هالسالفه كان ردهم : انطر يومين خل ندق على البحرين والامارات يمكن نحصل تاير واحد هناك وانييبه لك :Oالمشكله ان السبير غير صالح حق الاستخدام اليومي ، يادوبك تقزر حالك على ماتشتري تاير ومكتوب عليه حدك 80 يعني انسى الموضوع اخلي اختي تستخدم السياره هاليومين على ماادبر تاير
الفكره باختصار : ديروا بالكم يا جماعه الخير وبطلوا مسجات وسوالف وانتوا تسوقون ترى اخوانكم الي راح يبتلشون نفس حالتي لوووول
بس جد الجو حده عنييف وخصوصا المطر امس XD
HAVE A NICE DAY :D
3 years & khairan
سلامن عليكم ، شالاخبار جميعا D:
لووول غبار البلوق وانا والدنيا كلها ، لا جد والله شاالاخبار لأن انا مستانس ومزاجي حده هاي وان شالله العموم مستانس بالويك اند
قبل 3 سنين بالضبط ونفس هالتاريخ مايصير اقول نفس اليوم لأنه جمعه وذاك اليوم كان ثلاثا مادري اثنين لوووول مو مهم السالفه اني كنت بالبنك عند عمتي وكنا فاصلين حزتها مثل كل مره ، واحنا نسولف جان تقولي اخذ سيارتي السيرفس وطلعت فلوس من بوكها جان يطيح منها ربع دينار جان تطري علينا فكره ، قلت دام انتي بالبنك اكيد تمر عليج انواط مكتوب عليها سوالف وارقام ومادري شنو ، عطيني الربع وخل نكتب عليه ذكرى ونشوف شنو نهايته بيد منو P:
والله وتكتب على الربع وتعطيني اياه وانا ماصرفته وخليته ذكرى وقبل جم يوم قاعد اتعبث بالبوك ادوره مالقيته وحدي زعلت عليه جان اتذكر انا لما شريت البوك اليديد مانقلت كل شي والله ولقيته بالبيت هي هي هي ، اليوم كملت ثلاث سنين على هالسالفه ونظرا لأني احافظ على الذكرى قررنا نسويها عاده كل 3 سنين ونزيد المبلغ يعني اليوم راح تعطيني نص وهكذا لوووول عليكم الحسبه متى اوصل حق 20 XD
----------------------
عمتي واليده العزيزه مكلميني قبل جم يوم علشان يبون يطلعون شاليهات الخيران واصروا والحوا علي ان اكون موجود نظرا ان انا احم احم وماتحلى القعده بدوني لوووول قلت ان شالله وامس بعد ماخلصت دوامي الساعه 5 مريت عمتي وقالت معاذ معانا شويه اغراض شيلها معاك ، شوفوا الاغراض الشويه الي خلت سيارتي تحك عند كل مطبه !! والله قاعد اقول انتوا يا تبون تهاجرون او تروحون الحج على كل هالاغراض
وصلنا بالسلامه وماشالله حاجزين الفيلا اليديده شغل عدل وخوش غرف وحديقه ، انا خذيت الغرفه الماستر الفراش دبل والحمام داخلي وبلكونه لوووول قلت لهم دبروا حالكم مع باجي الغرف
طبعا من اول ماوصلنا جان يقولون جابل الشوايه وسوي عشا ، اهو همبرجر و تكا وحركات ولما خلصنا احلى ذره شوي يا سلااام D:
ويوم خلصنا وريحنا يدتي دشت تنام وقعدنا احنا بالحديقه نريح ودرناها سوالف ولعبنا اونو لوووول انا مضبطهم بالالعاب XD
اليوم قعدت الظهر ونفس الوضع جابل الشوايه مع انهم طابخين عيش ومعكرونه ومادري شنو بس الجماعه يتنسون وانا ما اقول لأ يستاهلون ويوم خلصنا الي راح يلعب والي يريح وانا عن نفسي هذا كان وضعي بعد الشوي XD
حركااات قهوه وشاي وحلو والجو بديع على البحر D:نشوفكم على خير في بوست لاحق P:
الاشتراك في:
الرسائل (Atom)
