joined the habaa :D

so i joined the habaa and bought a BB curve

i know am an iphone user and shouldn't do that but what the heck :P

el 3mor chaam maraa , bought it yesterday and master it today :P

if any one interested its from zain for 99 KD with contract for a year

mabrook 3li o a pinpin bel 3afiaa :P


za7maa iphone & BB :P

at Friday, May 29, 2009

رحله المندي لوووول

منو يقول اني توني رحت الخفجي ورديت لووووول سفره فصله صراحه 3 ساعات بالكثير وردينا D:

طبعا غرض السفره كان المندي لوووول ، كنت بالكليه والدكتور طلع معتذر ، دقيت على واحد من الشباب وينك ماوينك قال بالبيت وماكو شغل جان اعطيه الجمله المشهوره : فيك سفره الخفجي ؟ طبعا الحبيب ماصدق قال فوقه . مريته البيت وبعدين مريت بيتنا بدلت ومسكنا الخط

طبعا شعار الرحله كان : جبييير بو وليد جبييير (كبير بس بالكويتي) D:

بالدرب قزرت مسرحيات من اللاب توب وخذ ضحك لي الحدود


طبعا خلصنا الجوازات والتأمين والدنيا هذي ووصلنا الخفجي ، كانت الساعه 8 وكل شي مسكر حزه صلاه والهيئه شاقتهم شق لووول قعدنا نفتر حفظنا الخفجي من راسها لي كرياسها وبعدها رحنا المطعم العجيييب هذا


دشينا وقعدنا واسمع الطلب العجيب ، صينيه نصها مندي ونصها بخاري . لاتسعبل يا ديكاتي لوووول المره اليايه آخذك P:

قبل

وبعد


عوافي علينا D:

طبعا كان عندنا اختيار والي اهو الارنب الجائع بس اسمحلي مال الخفجي آخر مره جربته حاشني تسمم والبيبسي مافيه غازات والخس ذبلان كلش مو شي


اجمالي المسافه والوقت من بانزين بيتنا لي جسر البيت P:


الحمدلله على السلامه :)

الي له خاطر خل يقولي انا عجبني الموضوع وشكلي كل يومين بطيح هناك :P

at Tuesday, May 19, 2009

الدائره والمربع

صوتنا للديمقراطيه وفازت القبليه D:

اكرهج يالدايره الخامسه ولو اني ماكنت حاط امل بس يظل الوضع احباط :)

at Sunday, May 17, 2009

DeGooL Cafe :D

بالفتره الاخيره قمت اروح القهوه وايد ، بريك ساعتين اروح القهوه اتريق واجابل الكتب بعدين مره ثانيه الكليه واذا في بريك ارد القهوه وهذا حالي اغلب الاسبوع ، طبعا هذا بدون ما اتكلم عن الطلعات الجانبيه كل يوم بالليل تقريبا مع الشباب D:

وبما ان اغلب يومي بالقهوه (اشوف الي يشتغلون اهني اكثر من اهلي لووول) قاعده تمر علي مواقف وسوالف مالها اول ولا تالي وصراحه لازم تسمعونها ، احسن من حوسه الانتخابات وفلان وعلان :

من الصدف الي تصير اني دايما اصادف ديكاتي اهني لوول جدولنا ضابط على ال 10 نكون بالقهوه واذا كلش كلش انا داش واهو طالع ، هالصبي مايرتاح لما تحوشه ذبحه صدريه ياخي ارحم عمرك خلاص لوووول ديكاتي جني ضجيتك شوي P:

1

يوم السبت بالليل كنت بالقهوه قاعد ادرس وتعمدت ماقول حق احد ابي اخلص مالي خلق سوالف ولا واحد يعفس اوراقي ولا شي ، المهم وانا مجابل شغلي جان يدشون اثنين شباب اشكالهم شوي شبهه ماعجيني المنظر ، قلت عادي حريه شخصيه مالي شغل ولا العاده انا ملقوف اعلق ولا اتطنز لووول ، المهم انا مجابل شغلي واسمعهم يسولفون واسمع السوالف يا قلبي :D

X : وييي مادريت ذاك اليوم احمد دق على هذاك الي شفناه وقعد يكلمه ومادري شنو وانا حدي احتريت ليش الحقير ياخذه مني اهو كان معجب فيني بالاول واهو حقود حسود بو الركب السود (هذي من عندي لووووول)
Y : الحقيييير (مااقدر اوصف اشلون قالها صراحه بس تخيلوا معاي D: ) سج - مو صج قالها سج - مايستحي على ويهه هذي سوالفهم الجياكر كله يبوقون اكيد قل ادبه معاه وهذاك ماصدق الشباب كلهم جذي موشايفين خير
(انا : وحياه دين اهلك انا شايف خير ، وبعدين على شنو انت معصب ويا حنجك الي طايح )
X : اييي عاد انا شنو اقول حق اهلي الحين (عنده اهل ومحاتيهم يحليله) اقول حق امي هذي كان رفيجي وبعدين باقوه مني
(انا : كااااااك بس قامتها كسر خاطري بايقين رفيجه ، كلش ماشمت فيه لوووول)
Y : مالك شغل انا اكلم امك واكص عليها ( اي والله عطاك بو اكص انا على طول لفيت عليه قلت الظاهر العرج حان عنده ) بعدين انت مو كلش شي تقوله حق امك لاتصير ياهل (لوووول لاتعليق صراحه)

طبعا لي اهني انا لاعت جبدي وقلت اي والله من تدخل في ما لا يعنيه نال ما لا يرضيه ، ادرس ياصبي D:
بعد مده ...

X : كان يخربط بعدين قطها على البراد ، وكنت بالشاور جان يقولي ابي اسبح معاك وقلت له حياك وسبحنا مع بعض و .......
Y : استانس الحبيب وقعد يسأل عن التفاصيل الي ماراح اذكرها علشان اليهال الي تحت السن القانوني لا ينحرفون - تعرفون نفسكم ماراح اقول اسامي لووووول

خو لي اهني انا قلت ستوب ، معاذ شغل الايبود وخلص عمرك والحمدلله ماسمعت شي بعدها لما اذلفوا D:

2

سالفه ثانيه صارت قبل شوي واهي الي خلتني اكتب البوست ، قاعد احوس بالنت ولا شباب جدامي يسولفون واهم قاعدين واحد منهم رن تلفونه وطلعت امه داقه ، ماشوف إلا العموم يصارخ : قوه خالتي شلونج ؟ معاج عمر والثاني يقول اسمه وصارت لويه لووووول انا بغيت اسلم عليها بعد D: , رد عليهم: سمعتكم والله سمعت خلاص لووووول صراحه ضحكني الموقف

3

السالفه الثالثه وقت المباريات ، طبعا اقدر اشوف اي مباراه بالبيت بس حلاتها بجو القهوه ومع الشباب والحوسه ، تخيلوا اقعد بالبيت اشوف المباراه مع ابوي لوووول كلش مااقدر اخذ راحتي P:

وحده من المباريات كنا قاعدين انا واثنين من ربعي و 4 برازيليين بالنادي مع صاحبي ، طبعا هذول الله بالخير لا عربي ولا انجليزي واحنا ضغاط فيهم واهم يضحكون لووووول ، الشباب الي يشتغلون بالقهوه طلعوا معاشاتهم من وراهم كل شوي ياي واحد يقول عصير وهذول اوكي وينزلون 4 عصير ، يخليهم شوي وبعدين رد بول والعموم فوقه لووووول و الحساب كان على صاحبي الي يايبهم الفقير دفع قريب ال 12 دينار بس حقهم وكان قبلها موديهم مطعم يعني كاشخ فيهم ، كاااااك اكلها يا بو شهاب D:

بس مو زين يلعبون بلاي ستيشن كسروا روسنا لوووول انا واحد انطقيت 3-2 بس على الاقل نتيجه تشرف احسن من 5-0 احم احم تعرف نفسك D:

4

سالفه توها صارت لوووول ، واحد قاعد بروحه وكل شوي يرن تلفونه ويحطه سايلنت شوي ولا داش عليه صاحبه معصب قاعد تصرفني ترى اشوفك وانت ماترد ، استح على ويهك انا مااطالبك فلوس علشان ماترد وتقريبا مسح فيه القاع لوووول هذاك ويهه صار قوس قزح توهك وماقدر يرقعها ، ماطولها صاحبنا عطاه نظره ومشى D:

كافي سوالف اليوم ، اذا صار شي بنزل بوست ثاني لأن السوالف اهني اسمحلي مصايب لوووول

يلا وراي امتحان ، سلام P:

at Tuesday, May 12, 2009

منو يستاهل ؟؟

منو يستاهل الصوت بالخامسه ؟؟؟؟؟!!!!!

at Saturday, May 09, 2009