عيدي ياكويت
من ايام المدرسه وهالاغنيه تطربني D:
هاليومين مايدور بالسياره إلا اغاني وطنيه ، الله يخلي الفولدر الوطني الي بالآيبود لووول
كل عام والكويت بخير والله لايغير علينا
كل عام والكويت بخير والله لايغير علينا
16 Comments
new post
ماكو شغل ومافيني نوم وعندي باجر مليون مشوار ولي خاطر اكتب بوست لوووول
يالله شنو احب خط المطار وخصوصا الجزء المظلم مال المدرج ، يردلي شعور خط السفر والخط المفتوح الي مشتاق له :(
مرات اذا ماكو شغل ومالي خلق ارجع البيت اطوف اللفه واكمل لي الجهرا افتر هناك شوي وبعدين ارجع ، درب الروحه والرده حروه ال ١٠٠ كيلو يعني بالنسبه لي متعه كافيه D:
امس ماكو شغل بالليل وانا ومحمد صاحين قالي المطار قلت له فوقه مااقول لأ ، تفرفرنا شوي واحنا طالعين ولا هذا سويت فاكتوري قلت جنه يبيله اذل اليهال بالبيت ، حطيت كل شي فيه شكر ورديت البيت ، اليوم ماراح اقولكم شنو المناحه الي صارت وكل شوي طاقين الباب معاذ ابي حلاو لوووول حتى الخدم عطيتهم وخلص الجيس قبل ماادري عنه P:
اليوم الصبح وديت سياره ابوي الوكاله ، كانت تخر ماي وسواها وبعدين اكتشفنا انهم خذوا قريب ال ٣٠٠ على ماميش خو انا طفارتي الروحه والرده على الفاضي ، شلت عمري ورحت لهم والاستاذ اللطيف الي استلمها اول مره ماكان مداوم وانا ياي قبل شفته بعشر دقايق قالولي انطر ، قعدت انطر بو ربع ساعه على ماشرف ولما يه حط جاكيته على الكرسي وراح انا قلت الحين بيي بس موهذا الي حصل :|الحبيب غط ربع ساعه جان اتنرفز وخليتهم يدقون عليه وياني من الورشه مادري من الكراج ، خو ماثنيتها فيه قلت له ماتشوفني قاعد وقالولك في واحد ينطرك ليش ماسألت وتوهق المصري قام يقط خيط وخيط ، شرحت له القصه الحزينه وكالعاده لازم تدخل السياره وانطرني باجر ادق عليك ، انا بشوف شنو راح يقول باجر وصراحه ناوي عليه شر ويا قرعته :S
في جم صوره بعد بس مالي خلق اكتب عنهم ، see u later :P
clean clean clean
لوووول شفيني انا ماتيني نفسيه حق الكتابه إلا لما يفوزون الانتر ، عاشوا الشباب ومنها للأعلى ان شالله ، توها خالصه المباراه مع بولونيا وطقيناهم ٢-١ وحدها النفسيه هااي P:
-----------------------------
عموما هذا مو موضوعي بس لازم نشكر الشباب على جهدهم المبذول - عجبتني المبذول - ، الي صار يامحفوظين السلامه ان غرفتي محرمه على امي والخدم للتنظيف القاتل مالها لوووول يبون يدشون يرتبون ويخمون كيفهم بس تدش باخلاقي وليش هذا اهني وشيل وايراتك نبي ننظف ولا طلع ودخل هالموضوع موعلى كيفهم وانا لما يكون لي موود اعطيهم القو اهيد ، امس مادري الي قبله كنت حدي معصب ومالي خلق وابي اطير الموضوع من راسي واول ماوصلت البيت قلت حق امي وين جيشج تعالوا شوفولي سالفه الغبار وامي ماصدقت خبر زين مايببت وعلى طول دشت قبلي وشيل هذا وطلع هذا D:
اهم مابالغرفه عندي الورشه الي انا مسويها والي تتلخلص في :
- LCD 32 TV attached with :
- Xbox 360
- PC
- hard disks
- Router
- wireless mouse & keyboard
اهني اول مابلشوا خلتني اشيل العفش كله :)
لازم الترتيب علشان لا نعفس الوايرات
بعد ماخلصوا وبديت ارد الاغراض مكانهم ، ادري دثره وايرات لوووول
هولا خلصنا :)
وطبعا اهم شي حق الاسترخاء والمزاج كرسيي العزيز lazyboy ويكون الماوس والكيبورد بحضنك وعيييش
واهني منظر عام حق الوضع وانا فارش على الكرسي ومجابل النت او الاكس بوكس
طبعا المشروع اليديد سستم صوت يركب على كل الشغلات الموجوده بس اخاف ابوي يرتكب فيني جريمه على الازعاج الي مسويه ، كل شوي دازين اختي الصغيره بالجمله المشهوره : ابوي يقولك قصر الصوت لووووول
-----------------------------
عموما هذا مو موضوعي بس لازم نشكر الشباب على جهدهم المبذول - عجبتني المبذول - ، الي صار يامحفوظين السلامه ان غرفتي محرمه على امي والخدم للتنظيف القاتل مالها لوووول يبون يدشون يرتبون ويخمون كيفهم بس تدش باخلاقي وليش هذا اهني وشيل وايراتك نبي ننظف ولا طلع ودخل هالموضوع موعلى كيفهم وانا لما يكون لي موود اعطيهم القو اهيد ، امس مادري الي قبله كنت حدي معصب ومالي خلق وابي اطير الموضوع من راسي واول ماوصلت البيت قلت حق امي وين جيشج تعالوا شوفولي سالفه الغبار وامي ماصدقت خبر زين مايببت وعلى طول دشت قبلي وشيل هذا وطلع هذا D:
اهم مابالغرفه عندي الورشه الي انا مسويها والي تتلخلص في :
- LCD 32 TV attached with :
- Xbox 360
- PC
- hard disks
- Router
- wireless mouse & keyboard
اهني اول مابلشوا خلتني اشيل العفش كله :)
لازم الترتيب علشان لا نعفس الوايرات
بعد ماخلصوا وبديت ارد الاغراض مكانهم ، ادري دثره وايرات لوووول
هولا خلصنا :)
وطبعا اهم شي حق الاسترخاء والمزاج كرسيي العزيز lazyboy ويكون الماوس والكيبورد بحضنك وعيييش
واهني منظر عام حق الوضع وانا فارش على الكرسي ومجابل النت او الاكس بوكس
طبعا المشروع اليديد سستم صوت يركب على كل الشغلات الموجوده بس اخاف ابوي يرتكب فيني جريمه على الازعاج الي مسويه ، كل شوي دازين اختي الصغيره بالجمله المشهوره : ابوي يقولك قصر الصوت لووووول6aaaaa6 6oooo6
الي بيتهم مو يم مدارس خل يحمد ربه ، يالله شنو الوضع ينرفز اففففف اليوم بغيت انزل ارتكب جريمه بهالسواق شنو غشامه يغثونك حتى وانت بالبيت ، شحليلي طالع من الصبح انا ودلوول بنت اخوي ملعبها وراد البيت قبل زحمه المدارس الي جدام بيتنا ، كلها نص ساعه من دشيت واشتغلت الهرنات طاااااط طوووووط وازعاج ماله والي والسبه سايق غبي واقف بنص الشارع ناطر اليهال ومايبي يدش المصافط يكون منحاش عن الزحمه واهو الزحمه كلها !!
الموقف الثاني الغبي ان السواق يصفطون بالمظله وينطرون اليهال واهو نازل يسولف مع الخدم والسواق الباجين تعال انطر الحمار يستوعب انه صافط بمكانك وان انت موقف الشارع تنطره يطلع :| ، ذاك اليوم نزلت تناجرت مع واحد فيهم ومن يومها حرموا يوقفون بالمظله :)
الشي الي يغث ان جدام البيت مدرسه صبيان ويمها روضه ومدرسه بنات بعد ، يعني لو عندي محاضره الظهر اغسل ايدك تطلع من هالحوسه وتوصل بالوقت ، طبعا هذي حوسه الظهر شرايك بازعاج المدارس الصبح ترى كل يوم انا احضر الطابور معاهم بعدين انام لوووول واضحك على اليهال الي يتأخرون وتزفهم الناظره الصبح ، ومايرفع الضغط اكثر من مدرسه البدنيه المصريه الي تجابل الطابور الصبح يالله شنو اكرهها ويا صوتها المزعج D:
الموقف الثاني الغبي ان السواق يصفطون بالمظله وينطرون اليهال واهو نازل يسولف مع الخدم والسواق الباجين تعال انطر الحمار يستوعب انه صافط بمكانك وان انت موقف الشارع تنطره يطلع :| ، ذاك اليوم نزلت تناجرت مع واحد فيهم ومن يومها حرموا يوقفون بالمظله :)
الشي الي يغث ان جدام البيت مدرسه صبيان ويمها روضه ومدرسه بنات بعد ، يعني لو عندي محاضره الظهر اغسل ايدك تطلع من هالحوسه وتوصل بالوقت ، طبعا هذي حوسه الظهر شرايك بازعاج المدارس الصبح ترى كل يوم انا احضر الطابور معاهم بعدين انام لوووول واضحك على اليهال الي يتأخرون وتزفهم الناظره الصبح ، ومايرفع الضغط اكثر من مدرسه البدنيه المصريه الي تجابل الطابور الصبح يالله شنو اكرهها ويا صوتها المزعج D:هالكورس مومخطط آخذ مواد من فير الله بس السؤال راح اقدر انام و لا لأ :(
يمكن هذا اسرع بوست كتبته الله يخلي الريد بول الي توني شاربه صرت مثل جيم كاري بفلم يس مان لووووول
يمكن هذا اسرع بوست كتبته الله يخلي الريد بول الي توني شاربه صرت مثل جيم كاري بفلم يس مان لووووول
lens and stuff
شعور حلو لما ترجع تكتب مره ثانيه ، صارلي فتره قاطع عن الكتابه والله يعلم الموضوع ماكان بيدي وتقدرون تقطونه على النفسيه والاوضاع الي امر فيها بس الشي الاكيد اني كنت اقرى اغلب بوستاتكم بانتظام علشان لحد يزعل :)
حق الي مايدري انا بو اربع عيون لوووول ومااقدر استغني عن نظارتي من يصير المغرب ، قبل السفره بيومين رحت شريت عدسات طبعا حق الي يعرفني يدري انها خطوه كبيره لأني مااقدر البسهم لو تموتون - بعيد الشر - ، آخر مره جربت البس تستر قعدت ٣ ساعات وعيني ترمش وصارت حمره والحاله حاله بس الحمدلله ذاك اليوم وبدافع من شخص عزيز سحبني من ايدي ووداني المحل وجابلتني الدكتوره نص ساعه لما اقدرت اهي تلبسني وانا خذيت ربع ساعه بعدها لما قدرت البسهم بروحي - yaay me :D
اكتشفت اشلون الدنيا حلوه بالالوان الصبح لوووول ، الي يسمع يقول صرت محترف افصخ والبس على راحتي بس الوضع لما الحين متعب ويلوع الجبد احيانا بس الحمدلله يوم عن يوم قمت اتحسن بهالموضوع وصراحه المشكله الرئيسه بعيني اليمين ولا اليسار بظرف دقيقتين موضوعها خالص والسبب واضح
left-handed and proud :P
راحت عليج يا نظارتي الارماني لووول ، عاد مااقدر استغني عنها لما الحين لأن العدسات تدوخني لما اشتغل على الكمبيوتر ومااشوف عدل فيهم ، وعلى ماافصل عدسات نفس قوه نظارتي ماراح استغني عنهم العدسات الصبح والنظاره بالليل احيانا ووقت الكمبيوتر :)
=======================
امس كانت مباراه انتر ميلان مع اسي ميلان ، مباراه كانت قويه بمعنى الكلمه وطبعا كانت لنا الافضليه وفزنا 2-1 وحق الشباب الي كانوا معاي بالقهوه امس وشككوا بقدرات ربعي اقولهم كااااك in ur face sucker
btw this is my background and feel free to use it :D
=======================
كلكم شفتوا الجو امس مع المطر والجو العنيف ، صراحه ماقدرت امسك نفسي وطلعت الوحش الي صارلها سنه وشوي قاطها بالمخزن
اليوم الي قبله وديتها شرق سويت لها سيرفس سريع وتأكدت انها شغاله وبعدين طلعتها بالجو الروعه ، قعدت احوس واحرر المكينه وشوي وبعدين عطيتها ماعطى زمانها لوووول ، بعد نص ساعه تقريبا طق القير وماقامت تمشي كااااك ضحكت على عمري خو سنه وخرده ماادري عنها واول ماشغلتها كسرت القير
طبعا ماثنيتها رديت البيت وطلعت العده وبطلت يد يدها والحمدلله تم حل المشكله وصلحت القير ، عاد مامداني سويتها ولا يطرشوني الجمعيه يبون اغراض وانشغلت بعدها لما الحين ماسكرتها لوووول ابوي شافها بالدوانيه قالي وانت تصوم وتفطر على بصله يعني يا ماتدري عنها ولا فاتح حلجها وقاطها مطشره :D
ان شالله خل ارجع البيت واذا كان لي خلق برجع اسكرها مره ثانيه واطلع فيها اشوف احوالها بعد العمليه :)
=======================
جني قرقت وايد في بوست واحد ، اعوضكم عن القطاعه لووول
صارلي يومين هاب بهالاغنيه
Love lockDown
until next post , take care all ;)
امس كانت مباراه انتر ميلان مع اسي ميلان ، مباراه كانت قويه بمعنى الكلمه وطبعا كانت لنا الافضليه وفزنا 2-1 وحق الشباب الي كانوا معاي بالقهوه امس وشككوا بقدرات ربعي اقولهم كااااك in ur face sucker
btw this is my background and feel free to use it :D
=======================
كلكم شفتوا الجو امس مع المطر والجو العنيف ، صراحه ماقدرت امسك نفسي وطلعت الوحش الي صارلها سنه وشوي قاطها بالمخزن
اليوم الي قبله وديتها شرق سويت لها سيرفس سريع وتأكدت انها شغاله وبعدين طلعتها بالجو الروعه ، قعدت احوس واحرر المكينه وشوي وبعدين عطيتها ماعطى زمانها لوووول ، بعد نص ساعه تقريبا طق القير وماقامت تمشي كااااك ضحكت على عمري خو سنه وخرده ماادري عنها واول ماشغلتها كسرت القير
طبعا ماثنيتها رديت البيت وطلعت العده وبطلت يد يدها والحمدلله تم حل المشكله وصلحت القير ، عاد مامداني سويتها ولا يطرشوني الجمعيه يبون اغراض وانشغلت بعدها لما الحين ماسكرتها لوووول ابوي شافها بالدوانيه قالي وانت تصوم وتفطر على بصله يعني يا ماتدري عنها ولا فاتح حلجها وقاطها مطشره :D
ان شالله خل ارجع البيت واذا كان لي خلق برجع اسكرها مره ثانيه واطلع فيها اشوف احوالها بعد العمليه :)=======================
جني قرقت وايد في بوست واحد ، اعوضكم عن القطاعه لووول
صارلي يومين هاب بهالاغنيه
Love lockDown
until next post , take care all ;)
الاشتراك في:
الرسائل (Atom)
