swalef X swalef

سلام يا ابطال يا حلوين ، شخباركم D:

شخباري عربي من زمان مو كاتب لووووول ايي مطيح بتويتر والبي بي كله انجليزي ولما اكتب عربي كله بدليات الله يالدنيا آخر عمري يخترب العربي عندي خخخخ

من زمان مو كاتب بوست وفيني طاقه اكتب قلت يا بووليد اطلع بروحك ومزج مع عصير واكتب لك جم بوست فضفض الي بقلبك XD
سوالف العيد بايخه كالعاده ، ريوق عند يدي وشيل وحط وديربالك لا يتلفونك اليهال وبعدين عن اليده الله يحفظها ويطول بعمرها وآخر شي يمعه الخوال والغدا هناك لما العصر وبهذا انتهى عيدي بظرف جم ساعه ، ماكو ذاك الاكشن الي اكتب عنه D:

الاكشن الوحيد الي صار بالعيد والي يصير كل عيد لما خالي يبي يطلع والكل يعطيني مفتاح سيارته علشان اطلع الخال العزيز ، مادري احد قالكم انا سايق ولا اشتغل بمكتب سيايير علشان اصير مسؤول المصفط واضبط سياييركم ، ذاك اليوم سقت كل سيايير العايله بس علشان يطلع الخال لووول واهم شي انا سيارتي مكانها مالي شغل فيه ماكنت مسكر عليه حزتها D:


----------------------------

ثاني يوم العيد اخوي ويا عائلته الكريمه سافروا الامارات وانا كنت متواجد معاهم من البيت لما المطار لزوم السكيوريتي حق حبيبتي دلووول ، والله البيت خالي بدونها مالي خلق ارجع البيت واهي مو هناك ، طبعا طويله العمر دلوول تطلع بنت اخوي واول حفيده لنا بالبيت وانا طاير فيها طير الله يحفظها امي تقول انت لو يتلك بنت ماراح تحبها كثر ماتحب دلووول XD
لما كنا بالمطار وديتها اشتري لها حلاو وحركات جان الحبيبه بعد عمري والله تنقي الحلاو وتقول حق عمي XD


لووووول بالعشر الاواخر النوم كان كلش معفوس نوم طوول النهار وسهر بالليل ، ذاك اليوم انا توني نايم العصر وما اشوف إلا الحجيه فاتحه الباب ويايبتلي قرقيعان مادري من وين ماخذته XD اقولها عمي خلاص مشكوره طلعي بره وسكري الباب تروح الصاله وتخمط بهالحلاو وتييبله لي ، انا كلش ما صورتها وانا فاتح عين وحده ، ويلوموني ليش احبها واهي تحبني اكثر من امها وابوها بعد XD


يا بعد عمي والله ;*

----------------------------


اول يوم عيد رحت الكافيه ماكو شغل ولا اشوف الشباب منزلين الحلقه الاخيره من ام البنات ودايرينه لووول لا والصوت حده انا قمت اتابع بالصوت مع ان مالي شغل بالمسلسل ولا ادري شنو قصه امه XD

----------------------------


منو يحل لغز هالصوره ؟

انا اقولكم , هذي امي تقول شوف لي محول يركب مع شحن لابتوبي لأن هذا مايركب لووووول ايي احنا نتعامل بالالغاز بالبيت XD عاد عطيتها محول لابتوبي واليوم رحت شريت لي واحد يديد ، كلش شي إلا الماما عاد ما اخليها تنطر ;)

----------------------------


الكسل اشلون صاير انا اقولكم XD

قاعد علي الكرسي وفارش عمري وماخذ راحتي على الآخر ومجابل اللاب توب ، كنت ابي شي من الجهاز الثاني بس ويييه الماوس حاطها على الطاوله مثل ماتشوفون والعيز كلش مو مسوي شغله معاي ، جان ابطل اللاب توب واشبك على جهازي الثاني من الماك واخلص الي كنت ابيه من الكمبيوتر واطلع وكل هذا وانا قاعد حتى ماعدلت قعدتي لووووول والله التكنلوجيا اليديده مشكله XD

تحذير : remote desktop connection
سبب رئيسي لأمراض الكسل والعيز ويؤدي إلا تخليص شغلك بسرعه بس يخليك ثقيل بشكل ماتتصوره XD

بس خلاص لي متى راح اكتب كافي جذي حق اليوم ، فضفضت الي فيني XD

at Thursday, September 24, 2009