My Friendz

سلامن عليكم

اليوم البوست حق الشباب الشقرديه الي اسمهم ربعي ، بعد مايصير طول بعرض وبلوق وما اييب طاريهم ولا حتى سوالفنا ، بما اني مريض ومو بكامل قواي العقليه اكيد الشباب راح يسامحوني على الي راح اكتبه واذا ماسامحوني حده طااااف لووووول ايي حدي مو حاط لكم اعتبار p:

طبعا قبل كل شي راح ابلش بسالفه صارلي اسبوع اضحك عليها لووووووول ، البوست الي طاف مال عيد ميلاد البلوق الاول رد علي عبادي وصراحه مادري شنو قصده المهم اني ماقصرت فيه D: وطبعا الشباب كلش مو شماته دقوا علي 3 وما اسمع إلا ضحك من اهني لما بيتنا وواحد من الشباب دزلي هالصوره مسج مع تعليق


طبعا تعليق بوعلي كان : مسكيييييين كاااااااك keep going :P

عبادي هاردلك P:

--------------------------

ابلش بالشباب الظريف

ducati

الانسان هذا طيب وحبوب وقلبه ابيض بس مو على طول ، فقير شايف الويل معاي وصابر فعلشان جذي انا قررت اني اشتري له هديه والي اهي عباره عن سيكل على سن ورمح ، مو خبركم الفقير حتى قاري ماعنده وكاشخ بالنك عمال على بطال P:

وقوفا عند رغبته الساميه في امتلاك سيكل - انا متراهن معاه ان هالشي ماراح يصير ولا بعد 400 سنه - علشان جذي قلت يستاهل ولدنا وبييب له طقطاقي حسينوه على الاقل شي احسن من ولا شي ولا شرايك بو دكته كاااااك

هالفيديو اهداء لك P:

--------------------------

انيي حق الشباب الظريف الثاني ولا اهو رفيق العمر والسفره الاستاذ بو جاسم D:

بوجاسم خوش ولد وحبيب وماله بالشر طريج ، بس كان يوم اسود بحياته يوم قالي معاذ محتاج كامره D:

الموضوع باختصار دق علي في يوم من الايام وقالي بو وليد محتاج كامره ضروري حق يومين بالكثير وتلقاها عندك ، انا قلت افا عليك ما طلبت إلا عزك ودبرت له وحده من عند خالي على بو يومين وخالصين ، الريال فيه طبع ينسى وايد يعني الاسبوع الي طاف ناسي تلفونه بالقهوه ومره قبلها امضيع نظارتين كل وحده قيمتها فوق 100 دينار يعني الي صار شي مو يديد عليه بس انا حالف اخليه يتأدب D:

الكامره صارلها يمكن سنتين ماادري عنها لوووووول وكل مره اشوفه اقعد اضغطه لما يزعل ويمشي وكل يوم يقول باجر ، وهذا انا ناطر الشيسمونه لي باب الدار ، قولوا ان شالله بس D:

حمود انا شكيتك عند ديكاتي لا تخليني اوصل الموضوع للمخافر ترى ماتسوى كلها كامره ب 40 مادري 50 P:

--------------------------

مر عليكم نوع من الناس حريص زياده عن اللزوم بالفلوس ؟؟ اوكي انا اقول من حقه ومحد لاقي فلوسه بالشارع بس ان نطلع مطعم وتحاسبني نص بنص حتى على السيرفس تشارج هذي صعبه شوي D: , والمشكله مايرضى تعزمه او تخليها عليك لأنها جذي راح تصير دين برقبته ولازم يردها لك بنفس الكميه والمبلغ يعني مايصير اهو يعزمك على جوني روكتس وانت تردها بعزيمه من بدر البدور XD

طبعا صاحبنا هذا انا ماادش معاه بأي كلام فيه ريحه فلوس علشان لا اعور راسي P:

-------------------------

قولوا مبروك صرت عم للمره الثانيه D:

اخوي الموقر وحرمه المصون رزقهم الله بكتكوت يديد اليوم علشان يزعجنا بالبيت الله يحفظه ويخليه من الذريه الصالحه ويتربى بعز اهله

انا كنت ولازلت مع دلوول بنت اخوي حبي الاول والاخير ، واحب اطمنها ان مكانها بالحفظ والصون XD

ياجماعه كثر الحجي عن الزواج هالايام والعموم ينقز علي ، شرايكم ؟ P:

المرض شين الله يكافيكم الشر ويشافيني ان شالله ، قولوا آمين عن النحاسه P:

at Wednesday, July 15, 2009