Earth Hour

just a bunch of thoughts message

من بعد اذنك معاذ ابي ادعي الناس حق شي مهم وايد:

يوم السبت ان شاء الله الكويت راح تساهم في مكافحة الاحتباس الحراري و التغير المناخي من خلال مشاركتها العالم عبر حملة "ساعة الأرض" او "Earth Hour" و احنا ككويتيين لازم نتضامن كلنا و نشارك في هالحملة اللي راح تقلل من استهلاك الطاقة و بالتالي تخفف من الغازات المضرة اللي من شأنها ان تخفف من الاحتباس الحراري .. الخ. و هذا أكيد يرفع اسم الكويت أعلى ان شاء الله .
الفريق الكويتي لمكافحة الاحتباس الحراري نظم يوم خاص بهذه المناسبة و يدعوكم للحضور للمشاركة بهذا الحدث العالمي .

المكان: الجزيرة الخضراء
الوقت: 4 -10
ساعة الأرض: 8:30 - 9:30

شوفوا أبراج الكويت و برج التحرير يطفون ليتاتهم!! هذا بالاضافة الى 26 جهة اخرى من مجمعات و شركات و غيرها ...

خلينا نكون ايجابيين و نفكر بالأجيال الي عقبنا ، شراح نخلي لهم؟

و اللي ما يقدر يحضر هم يقدر ان يشارك من اي مكان اهو فيه ، بس اللي عليكم انهم تسكرون الليتات الزايدة و الاجهزة الغير ضرورية لمدة ساعة وحدة "بس"!!!!!!!!!!

بس!!


ما نقدر نستغني عن الليتات لمدة ساعة؟؟؟

ملاحظة: تقدرون تستخدمون الشموع

خلونا نطفي اكبر عدد من الليتات و الاجهزة الغير ضرورية عشان نشوف جم نسبة التوفير راح تكون ...


***

سوري طولتها!! سويته بوست كامل! لوول

ما عليه امون!!! P:

لمزيد من المعلومات:

الموقع الرسمي:
http://www.earthhour.org/

الفريق الكويتي عل الفيس بوك:


http://www.facebook.com/event.php?eid=62593441930&ref=mf#/group.php?

http://www.facebook.com/event.php?eid=62593441930&ref=mf

و تقدرون تقرون بلوجي اف يو وانت :)

http://just-a-bunch-of-thoughts.blogspot.com/



ملاحظة ثانية: تابعوا الراي عشان تشوفون الدعاية الخاصة بالحدث مالت الكويت :)

at Friday, March 27, 2009