عيدكم مبارك
تقبل الله طاعتكم وعيدكم مبارك
والي يبي رقم الحساب علشان العيادي يدز ايميل :P
37 Comments
the box , my moblie
ادري مقصر ومختفي ومااستحي على ويهي منطر المعجبين لوووووووول معاذ لاتصدق نفسك ، السالفه ومافيها يامحفوظين السلامه ان الايام الي طافت كانت ثقيله شوي علي ، من صباح الله خير مشاوير مالها اول ولا تالي وماارد البيت إلا قبل العصر بشوي وبعدها اشيل عمري واتفطر عند يدتي ولما ارجع البيت آخذ اخواني واوديهم السوق ، مادري ليش مايعرفون السوق إلا بآخر اسبوع لووووووول
طبعا غاط صارلي جم يوم اكيد عندي سوالف ، اهو في سوالف بس غرفتي بارده واصابعي ابرد موقادر اكتب علشان جذي راح اختصر لووووول ، اول سالفه راح تكون عن مايعرف باسم (الصندوق) عاد انتوا تخيلوا معاي صوت طبول وستاره ترتفع علشان الاكشن :p
الله يسلمكم شنو سالفه الصندوق انا الحين اقولكم ، مثل ماانتوا شايفين هذا مكان الخرده بسيارتي لووووول احد قالكم توقعوا شي اكثر من جذي :) المهم ان الصندوق هذا يشارك فيه كل واحد يركب السياره بالخرده الي عنده ، لحد يقول ضرايب لأني ماقلت بس هذي اسهم تستثمرها معاي علشان لا طلعنا بسيارتي تتأمر على كيفك وماابوز عليك لووووول لحد يقول بوهباش ترى والله ماله شغل :p
كل السالفه لما نطلع مكان ونطلب من مطعم او عصير او بقاله او اي شي على طول الخرده الباجية تروح بالصندوق وانا استثمرها بمعرفتي نياهاهاهاها ، بالغالب تروح الفلوس (خصوصا ال100 فلس) على البانزين إذا بوكي فاضي وماكان يمي بنك ، طبعا على كثر مساهمتك على كثر ماتعرف انك قاعد تمشورني زياده ، ها منو يبي يشارك ترى الاكتتاب يسكر قبل العيد لحقوا :p
ثاني سالفه ياجماعة الخير اهي تلفوني اليديد حدي مستانس عليه وطول ما انا قاعد على طول اصور لووول ماشالله الجهاز كامرته قوية وفيه حركات وايد وانا مااصدق على طول اجكجك
هذا تلفون يدتي بعد الفطور قعدت اصوره واهي تقولي اسمالله عليك كله تلفون ليش معجب فيه جذي :)
امس كنت بالصناعية مجابل السياره ابدل تواير والذي منه ، المهم الجو كان حاااار وانا تعبان وصايم واكسر الخاطر ويمي هالبراده الي تقول ابرد مني مافيه ، صراحه عجبتني صوره القطره وقلت معاذ طلع كامرتك وشغل المايكرو مادري شنو اسمه وسوها لقطه تحكي عن معاناة صايم بالصناعيه لوووووول
ثالث سالفه والي اهي الختام لأن صج ايدي ثلجت وقاعد اكتب بدليات مالها اول ولا تالي
منو يبي عيادي لوووووووول من ضمن مشاويري امس كانت اروح البنك واصرف مادري اخرد هال 300 دينار الي خذيتهم من ابوي واخليهم دنانير وخمسات حق العيادي ، احلى ريحه شميتها بحياتي لوووووول زين ماتبخرت فيها بعد ، من ثوارتي عطيت الربطات حق ابوي بدون مااصورهم بس شكلي باخذلهم صوره وارد احطها تستاهلون اعور قلوبكم بشكل الفلوس اليدد :p
يلا جني طولت عليكم
سلام :)
ارحمني يالظالم
هذا لسان حالي كمبيوتري لوووووول
طبعا جهازي على طول شغال حتى وانا مسافر مااطفيه والفقبر صارله على هالحال 3 سنين مايذوق طعم الراحه إلا لما اسوي له ريستارت كل اسبوعين او ثلاث اسابيع مره
هالمره هوست عليه حبتين زياده وقعدته 5 اسابيع بدون مايذوق طعم الراحه ، الوضع الراهن انه بدى يعلق وتطلع فيه اصوات عجيبه غريبه والمروحه تقول #$$%& لوووووول وانا معطيه طااااااف
حتى لحظة كتابة هذا البوست والجهاز موراضي علي وكل شوي رساله مادري من وين والانتي فايروس يقولي سو ريستارت خلني اعرف اسوي ابديت واشتغل علشان جذي بنزل البوست وبسوي له ريستارت واتوقع إذا طفى ماراح يشتغل إلا بعد يومين
إذا شفتوني غطيت لحد يحاتي بس تصفيه حسابات قديمه مع الكمبيوتر :p
6 & 9
Update
مو جنهم اذونا بسالفه الارقام ؟ امس يوصل مسج ترى من باجر لازم تحط الرقم الزياده واليوم لما تدق يذلك قبل لايدق ويقولك ترى حطينا حق كل ارقام الوطنية 6 زياده لوووووووول
صج انا رقمي مطشر ومع السته اليديده كشخت شوي لووووووول بس هم هذا موعذر على الفوضه الي صايره ، تدز مسج ماتدري راح حق منو اي ليش الفضايح يعني :P
بالنسبه حق الارقام الي بجهازي ، الوطنية دزت مسج سو باك اب حق ارقامك وراح نحط حق كل خطوط الوطنية الي عندك رقم 6 من جيبنا وبلاش بعد لوووووول انزين ليش النحاسه جان ضبطتوا تلفوني بالمره مع ارقام الزين وارقام البيوت دامك مضبطيني وخالصين:P
فكره مشروع :
حط إعلان بالوسيط لدينا الاستعداد لتضبيط كافه ارقامك مع الإضافه الجديده للرقم 6 و9 مع خدمه توصيل للمنازل بأسعار مغرية ، كل 50 اسم ب5 دنانير وشوف جم راح يطلع لك !!
اصلح اصير تاجر صح ؟ :P
long playlist
عندي لسته شطولها ابي العبها ومولاقي وقت :)
من دش رمضان وانا جدولي معفوس وإذا قعدت بالبيت اجابل الكمبيوتر والبلوقات وادوخ وانام :)
لما الحين عندي 6 اشرطه يدد ماجستهم هذا غير القدم الي بالسياره الي من شريت الاكس بوكس مانزلتهم لوووووول صاروا مخلل :p
آخر شريط شريته كان امس والي اهو GTA IV
من زمان مصوقر عليه وعيزان اطلبه من النت لأن ممنوع بالكويت وذاك اليوم وانا عند ذا توكر كنا نحوس بمزاد الكويت ولا واحد يبي يبعيه مستعمل بس نظيف قلت ليش لأ فوقه :)
الدراسه بعد العيد والعشر الاواخر على الابواب مادري متى راح افكر اشغلها :p
yesterday & today
ايوا عليكم نور اهو راعي الفلاش الوردي الي يقول مالقيت غير هاللون وبعدين اكتشفت ان الحبيب كان محصل لون اسود بس فضل اللون الوردي لأنه (عجبه)
عموما هذا مو موضوعنا لووول ، امس بالليل دق علي بوالشباب هلا بووليد شلونك شخبارك مادري ليش داق عليك ؟ عفوا ؟ مره ثانية ؟ اشكره قاطها نغزه قولي خل نطلع وابيك تعزمني لوووووووووول المهم سبحت وبدلت ومريته وايدي على قلبي ذاك اليوم محرول الرنج واليوم راح يشوف المسجله اليديده الله يستر منه :p
قبل لا نروح القهوه قلت بمر البنك اسحب فلوس والحبيب كان معاي شاف بوستر فيه اسامي الفايزين بالسحب وقال يمكن يطلع اسمي معاهم وانا بقلبي اقول خير ان شالله :) ، اول ماحط صبعه يبي يدور اسمه جان تطيح الاوراق الي ورا البوستر يعني وخر انت مالك رزقه اهني :p
على بالكم انا اطوف شي ، على طول صورت الوضع :)
بعدها شلنا عمرنا ورحنا القهوه ودق علي عمي (حسبه واحد من الشباب) المهم وينكم ماوينكم ودليته ويانا القهوه ودرناها سوالف من 11 وشوي لما 3 إلا ربع
طبعا لما طلعنا من القهوه جان نلقها هالحبيب قلت بصوره جان عمي يقول خذلي صوره معاه لووووووووول
بعد القهوه رحنا شارع المطاعم وخذينا سحورنا على الانغام الاماراتية لووووول تلقون التفاصيل عند ديكاتي :)
كل هذا صار امس ، اليوم رحت مع عمي الوكاله يبي يدخل سيارته السيرفس وقالي مرني لأنهم راح يطولون
طبعا رحنا الباباطين ولا زحمه والناس تنطر ، خو انا قطيت الاذن عند الاستقبال وكان الموظف يكلم الإداره يشتكي يقول الناس ناطره والموظف ماخذ مرضية وانا مااعرف الشغل ، انا اهني عصبت قلت عيل شكو هذا شعاركم دام ماكو إلا موظف واحد إذا غاب صعتوا ؟
شوفوا الشعار التحفه مالهم :/
واهم شي داخل بالاسنقبال هذي ..
انزين فرضا واحد فاطر اشلوووووون يعني ؟
انزين لو واحد يايكم بالليل بعد الفطور شنو ذنبه
روحوا موتوا احسن لكم !!
bad news
if you received too many bad news at the same time
what would you do ?
i did something awful !!
7adag , again
صبحكم الله بالخير
توني راد من الخيران كنت طالع حداق سيف ، الجو حده تحفه وبراد والقمره شبه كامله والدنيا منوره (بوجودي طبعا لوووول)
باختصار البوست هذا إهداء حق جوجه لأنها تحن من الطلعه الي طافت تبي الصيد وللاسف الصور ماوصلتني
اول الخير :)
.jpg)
بعد فترة
.jpg)
بعد السحور فضت الثلاجه لووووووول سحورنا فلافل العموم عطشان
.jpg)
درب الرده متى نوصل
.jpg)
الحمدلله على السلامة طافتكم الرحلة ، الي حاصلتله خل يروح الجو دماار والحرارة 26
fashion
مادري ملاحظين موضه رمضان ولا بس انا لوووووووووول
اهي وحده من ثنتين :
1
2
لووووووووول يا قحفية او دشداشه بيت :p
انا عن نفسي جربت موضه القحفية لأني كنت عيزان البس غتره وشعري كان معفوس بس مارحت المارينا نفس صاحبنا الي بالصورة ، كنت رايح اتفطر عند يدتي وارجع :)
اي تجارب معاكم ؟
الانثوال - نسختي
طبعا الصوره هذي صورتها بثاني يوم رمضان كنت طالع متأخر وبروح اتفطر عند يدتي وقلت بنزلها بس سافرت ونسيت واليوم لما شفت موضوع ديكاتي تذكرت
اهم شي شوفوا الساعه جم وانا ماوصلت ، مادري العداد يبين عندكم ولا لأ
الي مايبين عنده خل يشيّر جم كنت ماشي وموقادر اصيد الدورية :q
إذا هذول قدوتنا شنو تترجون من وراي ؟ لوووووول شكو قاطها براس الداخليه مادري
msg
للاشتراك بمطعم يفتح فترة الظهر طوال شهر رمضان المبارك
ارسل كلمة (جلب رمضان) على الرقم 115 للحجز
توصيل المنازل مجانا
(في منتهى السرية)
سارعوا قبل الزحمه
لوووووووووووووووووول قتلني المسج
we're back
اول شي شلونكم شخباركم ان شالله بخير ، اشلون البلوقات بدوني اكيد أونس صح :P
الحمدلله رجعنا امس بالسلامة من العمرة وسوري لأني تأخرت بالبوست بس كان في وايد شغلات لازم اسويها وكنت حدي تعبان ومتفلش وسايق 16 ساعة يعني الوضع اسمحلي :)
من كثر ماقلت شنو الي صار معانا زهقت من الموضوع لووووووول ماراح اطولها عليكم وبحط لكم اهم الاحداث بالسفرة
الحمدلله رجعنا امس بالسلامة من العمرة وسوري لأني تأخرت بالبوست بس كان في وايد شغلات لازم اسويها وكنت حدي تعبان ومتفلش وسايق 16 ساعة يعني الوضع اسمحلي :)
من كثر ماقلت شنو الي صار معانا زهقت من الموضوع لووووووول ماراح اطولها عليكم وبحط لكم اهم الاحداث بالسفرة
أول اهم حدث صار معانا ، أحلى بنشر بالطريح :)
اقزرت على اللاسلكي طوول الدرب لووووول هذا بروحه فلم
توسعة المسعى شقتنا شق زحمه وحر وإزعاج بس كله بأجره ان شالله
احنا حركنا العصر ووصلنا مكة الضحى ، الجو بالطريج من الميقات إلى مكة
وهذي في درب الردة ، اكو مواهب مدفونه محد يدري عنها :p
قعدتنا للفطور بالطريج ، لاتغركم ترى كلها تمر وعصاير مادري ليش قاعدين لوووووول
مينبو المطعم الي تفطسحرنا فيه لوووووول مافهمت منه شي
الفطسحور والشباب ماصدقوا حتى ماخلوني اصور :)
قروبنا 3 سيايير وانا كنت اسوق اليوكن الي بالنص
لازم الواحد يتفنتك بالتصوير بالمحطات :)
هذول حذفوا عمرهم جدامي وانا ماشي 160 بغيت اسويهم تشريب
وصلنا وصلنا :)
مخلفات الغزو :p
اكو وايد صور ووايد سوالف واهم شي سالفة اليني الي طلع لنا بالطريج هذي راح أأجلها والي يخاف لايقراها ، ادري الموضوع صاير كله صور بس توني قاعد من النوم ولما ألحين متكسر ولازم اطلع عندي جم مشوار :/
دعيت حق الكل دوونت ووري :)
3umra
تحديث
الحمدلله توني رجعت بالسلامة بس حدي دايخ ، انام واحط لكم التقرير :)
بعضكم يدري والبعض ماعنده خبر وفي ناس تدري بس مومتأكده لووووووول ،كلها جم ساعه ان شالله واشيل جوازي اليديد (كاشخ فيه ويا الويه) وننطلق متوجهين إلى مكة ،الرحلة بشكل عام 4 ايام تقريبا وراح افقدكم كلكم واعتذر مقدما عن انقطاع البوستات نظرا لظروف السفر :)
هالله هالله بالبلوق مابي احد يشخبط مني ومناك ، ديكاتي لاتتفرفر الفير اهني اعرف سوالفك ، ذا توكر مبروك الجهاز اليديد محد قدك لووول ، جوجه صور الحداق راح انزلها لما ارجع ان شالله إهداء حقج علشان لاتقولين :) ، واي مي سلمي على ابلة امل وقولي لها في مكان اتيي معانا ؟ ، ساخر كويتي خفف اكل برمضان بسك كنافة مبرومه برم لوووووول ، جوفنتينا وكويتاوي فورزا يوفي مابي ازعل احد قبل لا اسافر :) ، الرومي ابي موجز عن المباريات الي صارت لما ارجع ان شالله ..
العموم حبايب والعموم على راسي ماودي انسى احد ، الي يبي صوايغ غير مساويج ومسابيح ماعندي لووووووووول والي يبيني ادعيله انا بدعي حق البلوقزر كلهم يعني ان شالله انت منهم :)
امنتكم الله ، ديروا بالكم والله يحفظكم ، عاد بتفقدوني ؟ :q
حتى موعد ردتي ..
مع السلامة
hand jokery
في خضم معركتي مع إدارة الجنسية ووثائق السفر باليومين الي طافوا علشان اطلع جوازات بيتنا الي وديتهم علشان التجديد قبل شهر من الآن والحمدلله اليوم كان يوم النصر بالنسبة لي :)
السالفه ومافيها اني وديت الجوازات بتاريخ 29/7 علشان التجديد والمفروض يطلعون بعد 3 اسابيع مثل ماهو مكتوب بالتعميم الي عند خدمة المواطن ، الوالد الله يطول بعمره راح لهم يوم الاحد الموافق 31/8 علشان يستلمهم جان يردونه خالي الوفاض (لووووووووول شالمصطلحات الكبيره الي قاعد اقطها اليوم) وقالوا له تعال بعد اسبوع
عند هذا الحد نقف ويتدخل بو وليد الي اهو انا واطق الصدر واقول حق ابوي ازهلها وانا ولدك لوووووول وخذيت الاوراق ورحت مبنى الجوازات الرئيسي الي بالضجيج ، مابي اطول عليكم السالفه بس دشيت على المدير ورحت عند المكتب المسؤول عن الجوازات الياية من طرف خدمة المواطن وقالولي انطر بكل صدر رحب وابتسامه ، طبعا هذي كانت آخر ابتسامه شفتها لأني نطرت من 10 ونص لما نهاية الدوام ومحد طل بويهي لووووووووووول هذا وانا طاق الصدر ملاحظين :p
قبل لا اطلع كلمت المدير قالي مالك شغل وتعال باجر وحتى بدون وصل الاستلام (شكلهم ضيعوا الوصل لووووول) وعدى امس على قلق لأني المفروض اسافر باجر وامي بعدي باسبوع !! اليوم رحت والحمدلله ماطولت وقالولي الجوازات مو عندنا دزيناها مكتب خدمة المواطن روح استلم هناك ، كل شي تم على اكمل وجه وهذي الجوازات معاي وانا الحين بزهب جنطتي لأن وراي سفره باجر ان شالله ..
عجبتني مسكة الجوازات حق الصورة وذكرتني بالهَند وقلت على هالمسكة انا اطلع فيهم هند جوكري لووووول :p
ماعندي سالفه ولا شكلي جذي ؟ :)
service charge
: UPDATE
السلام عليكم
ومبارك عليكم الشهر اعاده الله عليكم بالصحة والعافية
عندي شغلة بخصوص السيرفس تشارج اللي بالمطاعم اللي قاعدين ينصبون علينا واحنا ولا عالبال
service charge
قانون يديد بالكويت من حماية المستهلك ان السيرفس تشارج ممنوع باي مطعم عندنا وفي قرار معمم على المطاعم انا شفته بعيني ان مايحق لاي مطعم ان ياخذ من الزبون غير سعر الطعام اللي ياكلة المحدد سعره بقائمة الطعام لازيادة ولا نقصان يعني بالكويتي ماياخذون منك الا سعر الاكل اللي كليتة ماكو شي اسمه سيرفس واذا بتتأكدون بنفسكم اتصلوا على رقم حماية المستهلك135وسألوهم بنفسكم
على فكرة انا جربت هالشي مع عده مطاعم بالكويت واهما تشيليز0 واسابي0 روبي تيوزدي وشالو عني السيرفس اهما خامرين قالو شكلهم اللي يتكلم نشيل عنه واللي ما يتكلم تقزر عليه
انتو ماعليكم الا تنادون المدير اللي بالمطعم وتقولون له ان السيرفس ممنوع بالكويت والمفروض انك تشيلة من الفاتورة واذا ماشالة قولة عطني كوبي من الفاتورة ودق على 135 قولة اسم المطعم وبأي منطقة واهوا يقولك وين تروح تقدم الفاتورة ويخالفون المطعم ويتسكر اذا كثرت شكاوي السيرفس
فخلونا ايد وحده لان في هوامير بالديرة قاعده تنصب علينا
وكل هاللوية عشان احنا ندفع اجر العمالة اللي بالمطعم من خلال توزيع السيرفس عليهم واحنا ندفع سيرفس ونحط بقشيش الظاهر حسبالهم ان مفطومين نفط والمسألة مو مسألة دينار ولا دينارين الحمدلله احنا ديرة نعمه بس لازم يكون بالحق
ماقول الا هذي الكويت صل على النبي
ومشكورين
منقول من الايميل والي عنده خبر عن هالمعلومه خل يفيدنا !!
الاشتراك في:
الرسائل (Atom)
