ماتحوشك حالة وانت قاعد جذي تلقى نفسك سرحت بشي معين وخذاك التفكير فيه ، مثلا انت قاعد بالمستوصف ناطر دورك وتشوف ياهل جدامك مع ابوه ماسك قيم بوي وقاعد يلعب تلقى نفسك سرحت وانت تطالعه وخذاك التفكير قبل 400 سنه لما كانت عندك وحده وكنت دوم تلعب فيها وبعدين عصبت لما اخوك شرى نفسها ومادري شنو لووووووول عاد كل واحد يعيش السيناريو ماله :)
احيانا تصير مواقف غبيه وانت في حالة السرحان تخليك تكره عمرك ، الحمدلله انا الحق على نفسي قبل مااسرح بويه احد ولا شي لووووووول ، ذاك اليوم صارت جدامي كنا بالكلاس والدكتور قاعد يشرح وواحد من الشباب هد المحاضره وكل شي وسرح مع كرفتة الدكتور ، استوعب الدكتور ان الريال نظراته مو طبيعيه لووووول قاله تامر عليها ؟ لوووووووووول والله مو خوش موقف والفقير بعدين استوعب اهو وين كان قاعد يطالع :)
موقف ثاني صارلي شخصيا وصراحه افتشلت مادريت شسوي ، واقف عند محطه بانزين انطر السياره تفول ولأن المحطه موخدمه ذاتية انا كنت بالسياره قاعد اتطمش وسرحت وعيني كانت على السياره الي يمي ، لما صحيت ولا السياره الي انا طايح خز فيها طلعت عايله والبنت قاعده وره والظاهر قالت حق ابوها شفيه هذا يخز لوووووول انا مااستوعبت إلا والريال ومرته والبنت يخزون فيني يعني شتبي :/
وحياتكم حاسبت وتشفيط لما طلعت من المحطه ، مو خوش موقف :)
إلا على طاري البانزين متى تعبون سياييركم ، سؤال غبي اكيد لما تفضى السياره ادري :) بس السؤال يقول متى لما تفضى السياره تعبونها ؟ انا مثلا ممكن توصل معاي الحاله جذي وتلقاني رايح راد مالي خلق انطر بالزحمه لووووووول
لمبه البانزين قلبت كشاف واهي تنور بويهي واتا استهبل اسوي عمري ماشفتها :p
الحمدلله لما ألحين ماحاشتني اي مواقف بايخه مثل ان السياره توقف بالخط السريع ولا شي وان شالله ماتصير لا فيني ولافيكم .. اي تجارب لكم مع هالموضوع ؟
