في يوم من ايام هالسنه وتحديدا قبل 7 شهور كنت قاعد مع الشباب بالقهوه ، القعده كانت حلوه ولازم شطانه الشباب والطنازه والضغاط وكان في واحد من الشباب قاعد يسولف وماني متذكر بصراحه شنو سالفته بس عقب ماخلص جان ينط عليه الي يمي وقاله " انت سفيه " ومن يومتها وتحديدا لشهرين جدام صرنا من نشوف بعض او اي واحد فينا يسوي اي حركه على طول العموم يقوله انت سفيه !!
طبعا بذاك الوقت لما انقالت الكلمة كانت على ضحك وان الموقف الي صار ماكان يحتاج هالنوع من ردات الفعل ومشى الموضوع على جذي ، صدف اليوم ان صاحبنا "صاحب المقوله الشهيره انت سفيه " داق علي وكان يبي يودي سيارته الصناعية وانا ارده البيت ، رحنا خلصنا شغله واحنا بالطريج دارت بينا سوالف عامه عن كل شي واكتشفت ان مقولته تركب عليه :/
تناقشنا عن وضعنا كشباب وانت شنو تبي بهالفتره وشنو خطتك للسنوات اليايه والدراسه والتخرج والوظيفه وكل شي يخص سنتين جدام ، طبعا انا كنت ملاحظ ضحاله تفكيره وقلت هذي فتره وتعدي بس مع الوقت واليوم خصوصا اثبتلي ان هالنظره ركبت عليه وانه فعلا " سفيه " ، طبعا لما تيقنت من نظرتي وان كلامي كله موراضي يسمعه ولا يفكر فيه من الاساس سكرت الموضوع وقعدت اسوق وانا ساكت واتوقع فهمتوا شنو سوا
قلب الطاوله علي وان انا الي ماعندي سالفه وهذي احلى ايام عمرك واستغلها والعب بايدك وريلك وباجر تكبر وتعقل ولاحق على الاستقرار والزواج وعوار الراس ، ملاحظة صغيره ان كلامي ماكان يقوله تزوج واقعد بالبيت ولا طريت الطلعات او الوناسه بشي بس للأسف فكره في باله وموراضي يغيرها ، ياخي مايمنع تستانس بحياتك وتهتم بأهلك ودراستك ، بس لا من دراسه ولا من اهل وامك وابوك الي راضين عليك وتقول انا بسوي وبسوي والي موعاجبه يطق راسه بالطوفه ..
خلاصه كلامي اني انصدمت بطريقه التفكير واسلوب النقاش لدرجه كبيره ولو اني عارف هالانسان وعارف طريقته واسلوبه بس ماتوقعت يوصل فيه الإصرار على رايه ومايقتنع او حتى يفكر او يسمع الحجي الي قاعد اقوله ، مروا علي ناس قواطي من قبل وكان الوضع عادي ، بس اني انصدم بهالانسان لدرجه اني كرهت قعدته وماادري شنو راح يصير نظامي معاه بالأيام اليايه ..
ـــــــــــــــــــــــــــــــــــــــــــــــــ
إهداء للي في بالي
28 opinions:
من يا على مودك قوله " حياك الله "..
ومن خربلك مزاجك ومودك قوله " حافظك الله " ..
ولا تفكر اشلون بتتصرف معاه ولا تعور راسك :)
mo3ath allah y5aleek shoof ishsalfat il 5a6!
manee gadra agra wala kilma , il kalam kila 6ale3 foug ba3ath 3indee
: /
كويت
انتي فاهمه الموضوغ غلط ، السالفه مو بس مزاج يعني اشلون الناس تكون غبية بدرجه ماتتصور ، كلام مايدش العقل تتمسك فيه علشان بس وناستك :/
انصدمت بصغر عقله وقصر نظره
---------------------------
غير معرف
مادري والله انا من قمت اكبر الخط واهو جذي طالع بس لما افتح البلوق من متصفح ثاني يطلع عادي :/
غيرت الخط ان شالله جذي احسن ؟!!
معاذ
فيه ناس ماتفهم ان الكلام 2 دايركشن
تتكلم وماتبي تسمع
واذا سمعت وتكلمت !!
ليتها ماتكلمت
اذا خاطبك السفاء فقل سلاما
او يسمع بس مايبي يقتنع ولا يفكر بالكلام الي تقوله ، ممكن يسكت ويطالعك بس مايكون معاك اصلا :)
والله انا مومضايقني إلا انه يعز علي ومااحب الناس حوالي جذي طريقه تفكيرهم ونقاشهم :/
اللي يسمع وما يقتنع يبي كل شي بدلائل ماديه
مايبي يفكر باجر لانه عنده اليوم
حاول تاخذه بطريقه ثانيه وكلمه مره مرتين ميبي يتعدل
امش وياه بسياسته شوف شلون يقتنع
اذا مشى على هالدرب بيضيع حاله بايده
اممم
هذا مو سفيه .. هذا تفكيره سطحي
p;
بس عموما انت لا تتازم بسبته يعني مالك شغل فيه
اذا انت نصحته وسويت الي عليك هني كيفه
اهو مو ياهل خو .. رياال وعارف شسوي D:
كان يبي سيكل ومااقتنع إلا لما توفى واحد من ربعنا جدام عينه بحادث سيكل
إذا كل شي بشرحه له بالصوت والصوره ولازم يشوف بعينه ماراح نخلص ؟!!
تعرفين لما تتكلمين جد وينقلب الموضوع مصخره وطنازه ، مرات اقول مايسوى التعب بس مااقدر
واكثر شي يبط الجبد لما يقول خلاص ان شالله وبعد يومين يتغير الحجي :/
غدور
عاد كنت بخلي عنوان البوست shallow:)
اهي وحده من الثنتين يااخليه بالمره وابدى اوخر عنه او اني اسويه ريال واخليه يشوف وين رايح بدبره
مااقدر اماشي ناس جذي طريقه تفكيرهم ويعتبر الموضوغ عادي عنده ، تحوشني حاله نفسية اتأزم من القعده والمواضيع الي يتناقشون فيها ومابي اقول أمثله عليها لوووووول :)
ma tga9er al7een tisana3 o rad 6abee3ee :D
ray7aa agra al7een ;)
b9ara7a shay y7iz bil nafs : /
lil asaf inaa 9a7bik fahim il 7orya wil tarfeeh bshakil '3ala6
allah yahdee inshallah, inta 7awil tg3ad ma3a 3ala youm o 9ar7a, wtha shft ina mo ga3ed ystejeeb 5ala9 5alik min b3eed lai b3eed ma3ah 3ashan ma yabdee y2thr 3alaik o tit2azam.
صاحبك الصراحه انا عن نفسي اطلبله الهدايه والله يعينه علي نفسه وعلي فكره التافه ,,,,
وانت الله يحفظك ,,,
بس الاهم من هذا كله ,,,,,
منوووووووو الي في بالك
لايكون أنا هههههههههه
:P
تحياتي يالغالي
غير معرف
زين الحمدلله شكلي بثبت على هالخط :)
قعدت لما قلت بس وتكلمنا بالموضوغ بصوره مفصله ودشيت بأجزاء الجزئيات بعد ، مرات يوافق ومرات لأ يظل قافل وبيني وبينج اكتشفت ان رايه يعتمد موده ، يةم معاك وبتغير واليوم الثاني انا مالي شغل فيكم وبسوي الي براسي :/
جاري العمل على حل هذي المشكله ان شالله :)
-----------------------------
صبا
اي والله ، الله يعينه على فكره :(
الي في بالي هذي قصه بروحها :q
لا اكيد مو انتي لأنج اكبر من الموقف الي صار :)
اوووووف ياكثر الي جذي
والله عندي وحدة من رفيجاتي جذي اسولف ويا البنات وللحين ماخلصت تقاطعني واخزها بنظرة عاد كرهي الي يقاطعني والله كرهي تروح تسولف ومن صجها ... ادري ان البنت تموت فيني بس ماحب هالحركة .. والبنات منصدمين طلع هذا طبعها ماقمت اسولف كلش وياها ... لوعت جبدي الله يلوع جبدها لوول
0 yama 7tshof wtshoof, ent swait ely 3lek 0 3gla brasa 0 kaifa allh yhdeeh la t3wr glbk m3a hal-ashkal =)
shino ya3ni el 7achwa? mafamt?
على قوله المثل المصري
"صباح الخير ياجاري انت فحالك وانا فحالي"
الاصطدام بالآراء وارد، وكل واحد له وجهة نظر قد يكون فيها من الايجابيه او السلبيه، واختاف الرأي لا يفسد للود قضية.
يعني خلك عادي، انت لك امورك وحياتك الشخصية الي محد له شغل فيها، وهو بعد. وكلنا قاعدين نتعلم من هذي الحياة.
حچى دكتور فني
اذا خاطبك السفيه فلا تجبه فخير من اجابته السكوت
ياكثر اللي مروا علي مثل مود هالانسان
واللي يقهر زود انك كل يوم بتقابل وجهيهم
ماكو فكه :D
معاذ ..
أمس كنت قاعد أفكر أقول آخ لو يرد فيني الزمن جان صج استفدت وطورت نفسي من لما كنت ياهل .. صج ان للحين يمدي والطريج بعده طويل جدامي ..
بس هذولي الناس ماهمهم الا اللعب والوناسة .. وبعدين اما انهم راح يتحسفون .. أو انهم راح يكون في مزبلة التاريخ ..
شلون الفيلم ؟؟ حده مليق صح ؟
الله لا ياثمني بس شكله قالها لانها وايد تنقال له لول
لا تعور راسك اللي عاجبك اسمعه واللي ما يعجبك كبر دماغك على قولتهم ولا تسمعه
هذا واحد بطران
مو عارف شسوي بحياته
اذا لا من دراسه ولا من اهل شسوي عيل كل يوم
alsaronah
لوووول اي الحركه ثغث الي يقطع سالفتك ويقول الي عنده لأنك ذكرته بشي صايرله من قبل :)
-----------------------------
mulan
قاعد اشوف وكل يوم شكل يديد يمر علي ، بس يعز علي مااقدر اشوفه جذي واسكت :/
-----------------------------
Meticulous
السفيه من السفاهه والجمع سفهاء يعني الغبي او ناقص العقل ، لوووووول شفيني صرت مختار الصحاح :q
-----------------------------
funny_q8i
انا معاك اختلاف الراي لايفسد للود قضية ، بس لما تكون القضية مسلم فيها اشلون يكون في اختلاف راي ؟؟!!
لما اقولك إذا دشيت على الاسد راح ياكلك وجدام عينك يدش واحد ويروح من جيس اهله وانت ترد وتقولي لا موشرط ؟؟
برايك هذا نقاش :)
-----------------------------
toooot
اي والله كل يوم اجابله وكل يوم نفس الحجي ونفس الاهتمامات البايخه :/
-----------------------------
molok
مو الواحد يبي يزهب الدوا قبل الفلعه ، مو انا الي اخلي ربعي يضيعون واقعد اتطمش :/
اي نوعا مامليقه القصة بس الاخراج جيد :)
-----------------------------
بنت بطنها
انا مابي اسمع ، ابيه اهو الي يسمع :)
-----------------------------
عبيدو
يدورله وحده يلحقها وبعدين يدور له واحد يدوس معاه :)
اذا صار مثل هالنقاش اضحك
اي اضحك، لأنه وايد يضحّك D:
قمة الكوميديا في الامعقول
ما تدري يمكن هو يبي يضحكك بس موعارف (:
لوووووول يعني برايك جذي ؟ :)
انا صراحه جربت معاه اسلوب الطنازه وان كل شي يسويه تافه بس ماكو فايده المخ مقاس 43 واحتمال اكبر :q
اذا يدور واحد يدوس معا ويلحقهااا هذا عيل بتصير في سالفه راح يتوب من هالسوالف كلها وراح يجابل نفسه
والله يهديي
malik she'3el feh it7ir nafsik 3alaih. hatha wa7id gawad
LOOL!! sorry bs im mad shwaya at him
هـــــــــو يـــــــــامـــــــالللل
طرب طرب
اخلصتل لكني هييييي ماعشت متهني
خيبتلي ظني عذبتني وربي هييييي
الحمدلله والشكر لا تعليق
واثنينكم غلطانين على فكرة
Post a Comment