سنوات الضياع

طبعا الموضوع هذا احترق من كثر ما الناس تحجت عنه ، مابقى ريال مابقت مره مابقى برنامج بالراديو إلا وتكلموا عن نور ومهند وسايق التنكر يحيى ولميس ..

السؤال الي يطرح نفسه دامك تدري ان الموضوع منتشر اكثر من عيش الوزان بالجمعيات ليش كاتب عنه ؟؟ انا ماراح اكتب عن المسلسل كثر ماراح اكتب عن موقف صار قبل شوي بالقهوه لوووووول

تقريبا الساعه 11 ونص دقيت على واحد من الشباب وقلت له خل نروح القهوه ، اهو ماكان عنده شي وانا كان عندي لاب توب عمتي يبيله فورمات فقلت زلقه بطيحه ، وصلنا القهوه وقعدنا وصاحبي طلب عشا وانا مجابل الكمبيوتر اعابل لما الحين ماكو شي غريب صح :)

واحد ملقوف كان يبي يركب شحن اللاب توب جان تفصل كهربه القهوه ماظل شغال إلا المكيفات والنت قلت دام النت موجود خلونا قاعدين بالظلمه ماكو مشاكل لووووووول عاد بعدها ردوا الكهربه بس التلفزيونات مسكره

على الساعه 1 تقريبا جان يدشون قروب شباب ويقعدون بأحسن مكان جدام التلفزيون ويحنون شغلوا التلفزيون وشغلوا التلفزيون لوووول لما سمعوا كلامهم وشغلوه

انا مااستوعبت قلت الظاهر يبون فلم لأن يقولون حط ام بي سي ، شوي ولا الشباب يسكتون بعض يلا بدا بدا لوووووووول واشوف التلفزيون ولا سنوات الضياع ، وطول الحلقه واهم (ياحلاتها-اخييييه-ياويلييييي-فديتها-المجرم-المادري شنو لوووووووووول) طبعا لما اهني انا تنرفزت وفريت عليهم جان اشوف الي ماكان ودي اشوفه :)

قلت إلا اصورهم واحطهم بالبلوق وعلشان الشبهه ولا يشكون فيني صورت صاحبي وقلت له ابيك تصورهم وجنك تصورني لووووووول والشباب مركزين مع التلفزيون مو ملاحظين نياهاهاهاها

الصوره تتكلم عن نفسها لوووووول

مادري شنو شادهم فيه ، وحده رقاصه وخطيبها يدري وساكت وتوه اليوم بعد زليون حلقه قالها بخليج لووووووووول تعبت نفسك والثاني منحاش من السجن يبي يخطف ياهل يقول ولدي والله ولا فهمت شنو السالفه

انتوا شلونكم بس :)

at Sunday, August 24, 2008